Астанада пробациялық бақылауда тұрған азаматтарды қоғамға қайта бейімдеп, жұмысқа орналастыруға арналған бос жұмыс орындары жәрмеңкесі өтті. Қаладағы 42 жұмыс беруші мекеме 550-ден астам вакансия ұсынып, қиын жағдайға тап болған жандарға жаңа өмір бастауға мүмкіндік берді. Бұл шара «Заң мен Тәртіп» аясында өткізілді.
Астанада пробациялық бақылауда тұрған азаматтарға арналған профилактикалық іс-шара өтті. Негізгі мақсат – қиын жағдайға тап болған жандарды қоғамнан оқшауламай, қайта әлеуметтендіру.
Қатысушыларға рухани-адамгершілік құндылық пен отбасы алдындағы жауапкершілік жөнінде түсіндіру жұмыстары жүргізілді.
Іс-шара дан кейін қаладағы 42 жұмыс беруші азаматтарға 550-ден астам вакансия ұсынды. Қатысушылар слесарь, сантехник, инженер секілді түрлі мамандықпен жұмысқа орналасуға мүмкіндік алды.
БАҒИЛА ОРЫМБЕТОВА, МАНСАП ОРТАЛЫҒЫНЫҢ БАСШЫСЫ:
— Жәрмеңкеде ең жақсысы, жұмыс беруші мен жұмыс іздеушінің арасындағы сұхбаттасу бірден өтеді. Жұмысқа қабылдауға өте қолайлы.
Жыл басынан бері пробациялық бақылауда тұрған 75 азамат тұрақты жұмыспен қамтылған.
———————————————
#Жаңалықтар #жаңалықтар2026 #жаңалықтаржетіншіарна #Жетіншіарна #седьмойканал #7канал
© 2009-, «Жетінші арна». Барлық құқықтар қорғалған.
