Қазақстан мен Кения арасындағы сауда мен инвестиция мүмкіндіктерін кеңейту үшін Іскерлік кеңес құру қажет. Астанада Кения президентімен болған келіссөзде Мемлекет басшысы осылай деді. Қасым-Жомарт Тоқаевтың айтуынша, Кения – Қазақстанның Африка құрлығындағы маңызды әрі сенімді серіктестің бірі. Байланысты одан әрі нығайту мақсатында тараптар саяси, сауда-экономикалық және мәдени-гуманитарлық ынтымақтастық перспективасын талқылады. Екі мемлекет арасындағы қарым-қатынасты одан әрі тереңдетуге қосқан үлесі үшін Қасым-Жомарт Тоқаев Кения президентін «Достық» орденімен марапаттады.
ҚАСЫМ-ЖОМАРТ ТОҚАЕВ — ҚАЗАҚСТАН РЕСПУБЛИКАСЫНЫҢ ПРЕЗИДЕНТІ
— Қазақстан мен Кения арасындағы ынтымақтастықты нығайтуға елеулі үлес қосқаныңызды ескере отырып, Сізге І дәрежелі «Достық» орденін тапсыруды зор мәртебе санаймын. Бұл жоғары марапат – Қазақстанның шексіз құрметі мен ризашылығының, сенім мен өзара құрметке негізделген қарым-қатынасты жандандыру ниетінің белгісі.
———————————————
#Жаңалықтар #жаңалықтар2026 #жаңалықтаржетіншіарна #Жетіншіарна #седьмойканал #7канал
© 2009-, «Жетінші арна». Барлық құқықтар қорғалған.
