Мемлекет басшысының тапсырмасымен биыл еліміз бойынша 124 теміржол вокзалы жаңғыртылады. Төрт жоба Батыс Қазақстан облысында жүзеге асырылып жатыр. Екеуі толық іске қосылды. Қалғандары осы айдың соңында аяқталады. Солардың бірі – 110 жылдық тарихы бар Семиглавый Мар бекеті. Іргесі 1916 жылы қаланған ғимарат заманауи талапқа сай бой көтерді. Жолаушыларға шойын жол арқылы қауіпсіз қызмет көрсетуге барлық қажет жағдай жасалынған. Жоба құны – 320 миллион теңге. Қаражат Республикалық бюджеттен бөлінді. Бұл бекет арқылы аптасына үш рет Алматы – Саратов бағытында жолаушы пойызы қатынайды. Нысанның жаңғыртылуы жолаушылар үшін қолайлы. Облыс экономикасы мен логистиканы дамытуға тың серпін бермек. Биыл өңірдегі 420 мыңға жуық жолаушы қызметті пайдаланған. Жүк тасымалы 5 миллион тоннадан асқан.
———————————————
#Жаңалықтар #жаңалықтар2026 #жаңалықтаржетіншіарна #Жетіншіарна #седьмойканал #7канал
© 2009-, «Жетінші арна». Барлық құқықтар қорғалған.
