Еліміздің 16 өңірінде дауылды ескерту жарияланды

Арнаға тіркел / Подпишись на канал: http://www.youtube.com/@TheSevenNews

Қазгидромет еліміздің он алты өңірінде дауылды ескерту жариялады. Бұған солтүстік-батыстан келетін антициклон себеп. Солтүстік, батыс және шығыс аймақта түнде ауа температурасы күрт төмендеп, бір-үш градусқа дейін үсік жүреді. Салқынның сызы әсіресе жиырма жетісі мен жиырма сегізінші қыркүйекте қатты сезілмек. Ал республиканың орталығы мен оңтүстігінде жаңбыр жауып, найзағай ойнайды. Тіпті Алматы облысының таулы аудандарында жаңбыр соңы қарға ұласуы мүмкін. Синоптиктер түнде және таңертең тұман болатынын ескертеді. Көптеген облыста жел күшейіп, оңтүстік өңірлерді шаңды дауыл басады.
АРУЖАН МҰРАТОВА, «ҚАЗГИДРОМЕТ» РМК БАСПАСӨЗ ХАТШЫСЫ:
— Солтүстік өңірлерде 25-26 қыркүйекте 1-2°С-қа дейін үсік жүреді деп күтіледі. Ауа температурасы күндіз еліміздің батысында +20…+28°С-қа дейін, солтүстік-батыс пен солтүстікте +10…+17°С-қа дейін, оңтүстік және оңтүстік-шығыс өңірлерде +20…+25°С-қа дейін төмендейді.
———————————————

#Жаңалықтар #жаңалықтар2026 #жаңалықтаржетіншіарна #Жетіншіарна #седьмойканал #7канал