«Разговор со вкусом» аспаздық шоуының ерекшелігі сол – студия қонақтары құрамы құпия тағам түрлерін өзгеше етіп ұсынады. Ал шоу жүргізушісі, ерекше харизмаға ие Рано Умарова студия асүйінде қонақжайлық таныта отырып, оларды әңгімеге тартады. Қонаққа келген танымал тұлғалар мен шоу-бизнес жұлдыздары дәмі тіл үйірер тағам түрлерін әзірлеу тәсілдерінен бөлек, жетістікке жету құпияларын да бөліседі. Отбасы, жеке өмірі жайлы сыр шертеді.
Бағдарламаның мақсаты – асүйдегі жайдарлы көңіл-күйді, қонақтардың шынайы әрі қарапайым бет-бейнесін көрсету, көрерменді жаңа тағам түрлерін әзірлеуге шабыттандыру және студия қонақтарын үлгі ете отырып, жетістікке жетуге, өзгерістерге ынталандыру.
Рано Умарова
Әнші, продюсер, актриса, жүргізуші, блогер. «Дауыс International» тобы құрамында болғанда өз өнерімен көрермен жүрегіне жол тапты. Ұл тәрбиелеп отырған ана әлемді сұлулық пен шығармашылық құтқаратынына сенімді.
© 2009-, «Жетінші арна». Барлық құқықтар қорғалған.
