Сахнадан, теледидар мен әлеуметтік желілерден көріп, өнеріне тәнті болып жүрген талантты жандар мен шоу-бизнес өкілдерінің сахна сыртындағы өмірі қалай өрілуде? «Жұлдыз» атану, танымалдықтың тәжін тағу жолында қандай тар жол тайғақ кешулерден өтті? Бұл сұрақтардың жауабын танымал тұлғалардың өз аузынан естиміз. Естіп қоймай, шаңырағында қонақта болып, емен-жарқын әңгімелесеміз. Көрермен өзінің сүйікті өнер адамын оның жары, туыстары мен достары, балаларының әңгімесі арқылы жаңа қырынан тани түспек. Ал 10 жылдан астам уақыт шоу-бизнес өкілдерімен етене араласып жүрген танымал тележүргізуші Анна Данченко жұлдыздардың көпшіліктен жасырған жан сырына үңілмек.
Анна Данченко
Анна Данченко – қазақ телеэфирінің жарқын өкілі. Ақтөбедегі облыстық телевидениеде таңғы хабар жүргізушісі кезінде көрермен көзайымына айналған Анна республикалық телеарналарда авторлық бағдарламаларды жүргізді. Қазір әл-Фараби атындағы ҚазҰУ-дың журналистика және филология факультеттерінде сабақ береді. Қазақ, ағылшын және орыс тілдерін жетік меңгерген, домбырада ойнап, ән айтқанды ұнатады.
© 2009-, «Жетінші арна». Барлық құқықтар қорғалған.
